Minister chuan thingtlang mipuite thleng phak healthcare service a ngaih pawimawh thu sawiin mizo mipuite tana ZMC&H hlutzia a sawi a, MBBS Intern Hostel sak thar, khum 60 awmna Charles Robert Darwin Hostel tia vuah chu a hawng nghal a ni.

ZMC&H Founding Day lawmnaah hian ZMC&H Director, Dr. John Zohmingthanga hnen atangin Report ngaihthlak a ni a, din tan a nih atanga tun thlenga hmalak tawhnate a tar lang a; Er. C. Lalenkawla, Sr. Executive Engineer, Project Division-II, PWD hnen atangin Intern Hostel sak dan Technical Report ngaihthlak a ni bawk.

Tun dinhmunah ZMC&H-ah hian MBBS zirlal 394 awm mekin, Internship ti mek 98 an awm a, Batch hnih (2018 & 2019 Batch) atangin MBBS zir chhuak 189 awm tawhin MBBS zirlai atang hian National Level Essay Writing Competition on Family Adoption Programme-ah lawmman dawng pawh mi 2 an lo awm tawh a, National Level Quiz-ah te pawh lawmman an lo dawng tawh bawk a ni.

Tun hnaia ZMC&H hmasawnna langsar zual  zingah- Thluak zai theihna Neurosurgery Unit leh Lung tha lo zai theihna Cardiothoracic & Vascular Surgery Unit (CTVS) din thar niin Doctor thiam takin an thuthchilh. Mizoram Universal Health Care Scheme (MUHCS) hnuaiah Medical Officer 2, Nursing Officer 54 leh Group D 13 lak thar an ni tawh bawk. MUHCS kalpui a nih hnuin khum 52 awmna Ward bakah Cabin 20 leh ICU 13 dah belh a ni tawh bawk a, tun dinhmunah avaiin khum 505 a awm mek a nii.